09 November 2008

Khutbah Idul Fitri


 Khutbah Idul Fitri Bahasa Madura*
*) Disampaikan Oleh Mukti Ali, S.Pd.I Di Masjid An-Nur Gunung Maddah

   
HAKEKAT SYUKUR

Maasyiral aaiduunal faizuun rahimakumullah
Nyatoreh delem kesempaten se moljeh kak dintoh beden kauleh sedejeh padah ningkat agi rassa takok de' ka ajunan epon gusteh Allah subhanahu wa taala, kalabhan mabannyak ngalakoneh sadejeh parentanah, tor ajau ih sadejeh larangannah gusteh Allah subhanahu wa taala.

Tadek perpisahan selebbi berek monggu dek oreng se ngakoh takok de ka guste Allah, selaenah apesa sareng sareng bulen ramadhan. Bulen sepenuh rahmat, bulen sepenuh ampunan, tor bulen sepenuh sareng kautamaan2 setak epanggi edelem bulen selaenah..

Allahu Akbar 3x Allhu akbar wa lillahil hamd
Hadirin hadirat rahima kumullah
Salastarenah baden kaulah sadajeh ajelenagi pasah sabulen genteng edalem bulan romadhan taon 1430 H. ban samangken pon masok edelem bulen Syawal atabah se ekenal sareng bulen tong ngareh, edimmah sadajah kaum muslimin baek lakek atabeh binik sebedeh edunnyah, sadejeh kompak araya agi settung ka bungaan enggi kak dintoh Idul Fitri taon 1430 H. atabah tellasan re rajeh.

Taqabbalallaahu minna wa minkum Allahumma taqabbal ya kariem,
Minal aaidzin wal faaiziin wal makbuliin, kullu aamin wa antum bikhair.
Mohon maaf lahir dan batin

Malar moghah sadajah amal bagus se ampon kauleh sadejeh lakoneh edelem bulan ramadhan setapongkor etaremaah kalaban Allah subhanahu wataala, ban malar mogah bedeh kauleh sadejeh tak termasok edelem golongan oreng se esebbut agi edelem hadits panekah:
قال رسول الله ( صلعم) :
كَمْ مِنْ صَائِمٍ لَيْسَ لَهُ مِنْ صِيَامِهِ اِلاَّ العَطْشَ وَالجُوْعَ

Nabbih Muhammad SAW adhabu :
Sanapah bannyak oreng se apasah, tak naremah pa napah derih pasanah kajeba ah coma nga olle lappar tor arjeng.

Allahu Akbar 3x wa lillahil hamd
Etaremah atabah bunten pasah baden kauleh sadajeh, atengaleh salastarenah bulan pasah, manabih baden kauleh, atamba rassa takok en ka gusteh Allah, shalatdeh tamba bagus, shadaqonah tambah bajeng, ben ka beleh tetanggah tambah akor. Nekah jelas oreng panekah termasuk oreng sepasanah sukses, Oreng se ejelenagi pasah kalaben onggu – onggu coma ngarep ridha darih Allah subhanahu wataala. Ben Oreng panekah bekal esaporah sadejeh dusanah derih adek sampek akhir.

مَنْ صَامَ رَمَضَانَ اِمَانًاواحتساباغفرله ماتقدم من دنبه وماتاخر

Tapeh sabeliggeh, manabih salastarenah apasah, oreng kak dintoh tettep ibedenah, tak atamba bagus, apapole tamba rosak, jelas oreng kak dintoh termasuk golongan se esebbut agi e dalem hadits e attas, pasanah sia sia coma nga olle lapar tor arjeng.
Apapole oreng setak apasah, debunah Rasulullah : Paserah oreng kalaben sengaja tak apasah atabeh abettalagi pasanah padahal tadek udzur sar’ie, meskipun egenteeh apasah sataon Allah tak bekal naremah pasanah oreng panikah. Naudzubillah min dzalik..

Allahu Akbar 3x Allahu Akbar wa lillahil hamd  
Allah swt. ajellas agi edalem Al-Qur'an Surat Al-Baqarah ayat 183: tentang Tojjunah Pasah 
Tojjunah pasah tadak laen selaen adaddi agi manussah deddih oreng Muttaqin laallakum tattaqun enggi panekah dhaddih oreng se onggu – ungu takok dek ka guste Allah

Sala settung cirinah oreng se muttaqin atabah oreng se takot dha' guste Allah enggi kak dintoh penter asokkor kalaban sadajah papareng seampon etaremah. Sokkor sesaonggunah tak cokop edebuagi sareng lesan tok.Tapeh, harus eparak te agi edhalem kalakoan reh – sa areh, misalah, badan kauleh eparengeh rejekeh sareng Allah sakonek apapole lebbi. Tak cokop ngucap agi Alhamdulillah tok, tapeh jak kaloppaeh sodeqonah kaanggui e jelanah Allah, akadiah pembangunan Masjid kak dintoh.
Sedangkan sala settung contoh oreng se tak penter asokkor dek ka guste Allah. Misalah Allah apareng kasehatan ben kakuaden, tapeh, baktonah abejeng tak abhejeng, baktonah apasah tak apasah, baktonah a zakat tak azakat. mon baktonah tellasen, atellas kadeng sampek ma kala oreng se apasah.
Allah ngancam kalaben adzab sepeddi dek ka oreng seloppa asokkor :

قال الله تعالى :
وَاِذْ تَأذّنَ رَبكم لئنشكرتم لازيدنكم ولئنكفرتم ان عذابي لشديد
Edelem al-Qur'an Allah adhabu
Mon kakeh kabbih padah asokkor, Engkok bekal namba, tapeh mon kakeh kabbi kufur, tak anddek asokkor, sa onggunah tang seksaan, tang adzab sanget rajah”
Kalimat sokkor  panekah gampang eocap agi tapeh malarat epraktek agi. Sampek – sampek Allah nyebut aghi edalem Al-Qur'an bahwa oreng se penter asokkor panekah Jarang, jumlanah sanget sakonek ekatembeng oreng se kufur / se ingkar ka guste Allah.
Allah adhabu :
وان تعدونعمة الله....
Hadirin Hadirat sidang shalat idul fitri se emuljaagi sareng Allah
Nyatoreh eakher khutbah panekah, badan kauleh sadejah nyoon dak ka ajungan epon guste Allah, malar moghah sadejeh amal ibadah badan kauleh, pasah beden kauleh sadejeh, shalat beden kauleh sadejeh, taraweh baden kauleh sadejeh, sodaqah ben zakat baden kauleh sadejeh, ban sadejeh pengareben seelakoneh edalem bulen ramadhan etaremaah monngu Allah subhanuhu wataala. Amin

Ben malar moghah baden kauleh sadejeh termasok oreng sepenter asokkor sehinggeh daddieh oreng se muttaqin enggi panekah oreng se onngu – unggu takok ka guste Allah subhanahu wataala. Amin ya rabbal alamin
بارك الله لي ولكم في القرآن العظيم ، ونفعني وإياكم بما فيه من الآيات والذكر الحكيم ،وتقبل مني ومنكم تلاوته انه هو السميع العليم . أقول قولي هذا استغفرالله العظيم لي ولكم فاستغفروه إنه هو الغفور الرحيم ….